Lufthansa İran və Livan uçuşlarının ləğvini 2025-ci ilə qədər uzatdı
23.10.2024
Siyasət
0
0
Almaniyanın Lufthansa aviaşirkətinin Yaxın Şərqdə daha genişmiqyaslı münaqişə ilə bağlı narahatlıqlar səbəbindən İran və Livana uçuşların ləğvinin müddətini uzatdığı bildirilir.
“Lufthansa”nın verdiyi açıqlamada şirkətin əməliyyat səbəblərindən önümüzdəki aylarda Tehran və Beyruta uçuşları davam etdirməyəcəyi bildirilib.
Açıqlamada Livanın paytaxtı Beyrutla əlaqənin 28 fevral 2025-ci il tarixinə qədər, Tehrana uçuşların isə 31 yanvar 2025-ci il tarixinə qədər dayandırıldığı bildirilib.
Lufthansa, İsrailin hücumlarından sonra artan təhlükəsizlik narahatlıqları səbəbindən son vaxtlar Yaxın Şərqə uçuşların ləğvini dəfələrlə uzadıb.
Bu həftənin əvvəlində Lufthansa Tel-Əvivə uçuşlarının dayandırılmasını noyabrın 10-na qədər uzatdığını açıqlamışdı.
Lufthansa Qrupuna həmçinin Eurowings, Swiss, Austrian Airlines və Brussels Airlines kimi şirkətlər daxildir.
Digər xəbərlər
28.01.2025
Siyasət
Azərbaycan səfirliyində qalmaqal: Səfir birinci katibi döyüb? - RƏSMİ AÇIQLAMA
0
0
