Tramp: Amerikanın qızıl dövrü başlayır

Donald Tramp ABŞ-ın 47-ci prezidenti kimi and içib. Mərasimdən əvvəl Tramp və xanımı Melaniya Tramp kilsədə dua ediblər. Daha sonra Tramp cütlüyü Ağ Evə doğru yola düşüb. Ağ Evə çatanda Co Bayden Trampı qapıda qarşıladı. İki lider Ağ Evdə çay içdikdən sonra Tramp ABŞ Kapitolinin binasına gedib və andiçmə mərasimi ilə rəsmi olaraq prezident səlahiyyətlərinə başlayıb.

ABŞ-ın 47-ci prezidenti seçilən Donald Tramp rəsmi olaraq ikinci prezidentlik müddətinə başlayıb. Tramp Konqresdə keçirilən mərasimdə and içib. Dörd ildən sonra Ağ Evə qayıdan Trampın andiçmə mərasimindən sonra top atəşi açılıb. Tramp ABŞ-ın məhkum olunmuş ilk prezidenti oldu.

Trampın Konqresdə inauqurasiya mərasimi başa çatıb. Prezident kürsüsünü Trampa təhvil verdikdən sonra Bayden həyat yoldaşı Cillə birlikdə vertolyotla Vaşinqtonu tərk edib.

Tramp and içdikdən sonra bu sözləri deyib:

"Hamınız çox sağ olun. Amerikanın qızıl dövrü indi başlayır. Biz Amerikanı hər gün prioritetimizə çevirəcəyik. Təhlükəsizliyimiz təmin ediləcək, ədalət sistemimiz yenidən balanslaşdırılacaq. Ədalətdən məhrum olmağa davam edən bu silahlara münasibət də dəyişəcək. Bizim prioritetimiz qürurlu, firavan ölkə qurmaqdır ki, Amerika tezliklə həmişəkindən daha böyük və güclü olacaq.

Hər kəs bizə hörmət edəcək. ABŞ-ın indiyə qədər heç vaxt olmayan şansı var, hamı bizə hörmət edəcək. Təəssüf ki, biz etimad böhranı ilə üz-üzəyik. Xalqımız layiq olduğu yerdə deyil, daxili böhranla üz-üzəyik. Çöldə də bir-birinin ardınca fəlakətlər baş verir. Cinayətlə məşğul olanlara dözümümüz yoxdur. Biz öz vətəndaşlarımıza hər cür yardım edəcəyik, amma xaricilərə bunu etməyəcəyik. Bu gündən etibarən bütün bunlar çox tez dəyişəcək".