Ölkələr razılaşır: AI “açıq, əhatəli və etik” olmalıdır

Fransada keçirilən Beynəlxalq Süni İntellekt Fəaliyyət Sammitində 61 ölkə süni intellektin “açıq, əhatəli və etik” olması barədə razılığa gələn birgə bəyannamə imzalayıb. Sammitdə o da vurğulanıb ki, süni intellektin əlçatan olması üçün bazarda inhisarlaşmanın qarşısı alınmalıdır.

Fransada Beynəlxalq Süni İntellekt Fəaliyyət Sammiti keçirilib. Sammitlə bağlı açıqlama verən Yelisey Sarayı, 61 ölkənin sammitdə birgə bəyannamə imzaladığını və süni intellektin “açıq, əhatəli və etik” olması mövzusunda razılaşdığını açıqlayıb.

Bəyannaməni imzalayan ölkələr arasında Fransa, Hindistan və Çin də var. Birləşmiş Ştatlar və Britaniya bəyannaməni imzalamayıb.

“Süni intellekt ilk dəfə çoxtərəfli atmosferdə müzakirə edilib”

61 ölkənin imzaladığı bəyannamədə süni intellekt və enerji ilə bağlı sualların çoxtərəfli atmosferdə “ilk dəfə” həll edildiyi bildirilib.

Həmçinin qeyd olunub ki, süni intellektin biznes sektoruna təsirləri barədə məlumatlılıq artırılmalı və bu sektorun gələcəyinə “müsbət” təsir göstərən texnologiyalar təşviq edilməlidir.

“Süni intellektdə inhisarçılığın qarşısı alınmalıdır”

Bəyannamədə bu texnologiyanın daha əlçatan olması üçün süni intellekt idarəetməsində koordinasiyanın gücləndirilməsi və bazarda inhisarlaşmanın qarşısının alınmasının vacibliyi vurğulanır.

Həmçinin süni intellektin təhlükəsizliyinin və etibarlılığının təmin edilməsi istiqamətində irəliləyişlərin əldə edilməli olduğu, süni intellektin cəmiyyətlər və planet üçün “davamlı” olmasının prioritet məsələ olduğu vurğulanıb.