ABŞ bürokratiyasında DOGE böhranı

ABŞ-da Tramp administrasiyası Elon Maskın federal işçilərdən həftəlik iş hesabatları tələbinə əməl etməyənləri işdən çıxarmağı planlaşdırsa da, FTB və Dövlət Departamenti də daxil olmaqla bir çox qurum bu tələbə cavab verməyi planlaşdırmır.

Bildirilib ki, Prezident Donald Tramp administrasiyasına bağlı olan bir çox federal qurumlar DOGE direktoru Elon Maskın federal hökumət işçilərinin “bazar ertəsi gününə qədər həftəlik işləri üçün hesabat vermədikləri təqdirdə istefa vermiş sayılacaq” tələbinə əməl etməyəcək.

Bildirilib ki, fevralın 20-də ABŞ Senatında keçirilən səsvermə nəticəsində rəsmi olaraq vəzifəsinin icrasına başlayan FTB-nin yeni direktoru Kaş Patel öz əməkdaşlarına “ən azı indiyə qədər Maskın tələbinə məhəl qoymamağı” tapşırıb.

Dövlət katibinin müavini Tibor Nagy tərəfindən agentlik işçilərinə göndərilən elektron məktubda deyilir: "Heç bir işçi nazirliyin əmr zəncirindən kənar fəaliyyətləri barədə məlumat verməyə borclu deyil".

ABŞ Nümayəndələr Palatasının üzvü Mike Lawler də Maskın federal qurumlara qarşı "sıxma siyasətini" qiymətləndirərək, "Bunun necə mümkün olduğunu bilmirəm. Açığı, bir çox federal işçi həmkarlar ittifaqı müqavilələri altındadır" deyib.

Maskın son tələbini yerinə yetirməsələr, Tramp administrasiyasının on minlərlə işçini ixtisar etmək üçün hansı hüquqi əsasa malik olacağı hələ də qaranlıq olaraq qalır.