Ərdoğan Ukraynanın Ankara səfirliyindən paylaşım edib

Ərdoğan Ukraynanın Ankara səfirliyindən paylaşım edib - Tramp-Zelenski böhranı!

ABŞ prezidenti Donald Tramp və Ukrayna prezidenti Vladimir Zelenski arasında Ağ Evdə canlı yayımda debatdan sonra Ukraynanın Ankaradakı səfirliyi prezident Rəcəb Tayyib Ərdoğan və Zelenskinin fotosunu paylaşıb.

ABŞ prezidenti Tramp və Ukrayna prezidenti Zelenski Vaşinqtonda görüşüblər. Nadir minerallar sazişi üçün bir araya gələn iki lider Ağ Evdə televiziyada canlı yayımda müzakirəyə başlayıb.

Zelenskinin tək olduqları ilə bağlı açıqlamalarına cavab olaraq Tramp, "Siz tək deyildiniz. Axmaq prezidentimiz (Bayden) vasitəsilə sizə 350 milyard dollar verdik. Biz sizə hərbi texnika verdik. Hərbi texnikamız olmasaydı, bu müharibə 2 həftəyə bitəcəkdi" deyib.

Müzakirələrdən sonra gözlənilən birgə mətbuat konfransı keçirilməyib və saziş imzalanmayıb. Zelenski Ağ Evi tərk edərək Vaşinqtondakı planlarını ləğv edib.

Hadisələrdən sonra Ukraynanın Ankaradakı səfirliyi Ərdoğan və Zelenskinin fotosunu paylaşıb. Paylaşılan foto ilə bağlı heç bir açıqlama verilməsə də, Zelenskinin Ərdoğanın çətirlə çətir altında çəkdirdiyi foto seçilib. Bəzi türk istifadəçilər paylaşılan fotoya müsbət şərhlər yazıblar.

Narmin Gani

Xəbərin müəllifi

Facebok Twitter LinkedIn

Əvvəlki
Azərbaycan bankları biznes kreditləri üzrə kredit tələbində dəyişiklik olmayacağını gözləyirlər
Sonrakı
Dünya Trampla görüşündəki gərginlikdən danışır - Zelenskinin “üzrxahlıq” bəyanatı