Çin 2025-ci ildə 5% artım hədəfləyir

Çin hökuməti 2025-ci ildə ölkə iqtisadiyyatının təxminən 5 faiz böyüməsini, eyni zamanda inflyasiya hədəfini aşağı salmağı və büdcə kəsiri hədəfini artırmağı hədəfləyir.

Baş nazir Li Jiang Pekində keçirilən Ümumçin Xalq Nümayəndələri Konqresinin (ÜXK) illik plenar iclasında hökumətin iş hesabatını və büdcə layihəsini parlamentə təqdim edib.

Çinin ümumi daxili məhsulunun (ÜDM) 2024-cü ildə yüzdə 5 artaraq 134,9 trilyon yuana (təxminən 18,5 trilyon dollar) çatdığını ifadə edən Baş nazir Li, 2025-ci ildə yüzdə 5 ətrafında böyüməyi hədəflədiklərini ifadə etdi.

Keçən il şəhərlərdə 12,56 milyon yeni iş yerinin yaradıldığına diqqət çəkən Li, 2025-ci ildə 12 milyondan çox yeni iş yeri təmin edərək işsizliyi 5,5 faiz ətrafında saxlamağı hədəflədiklərini qeyd etdi.

Deflyasiya təzyiqinin intensiv şəkildə hiss olunduğu bir ildən sonra Li 2025-ci il üçün inflyasiya hədəfini 2 faiz olaraq açıqladı.

Büdcə kəsiri hədəfi artdı

Büdcə kəsirinin ÜDM-ə nisbəti hədəfini 3 faizdən 4 faizə qaldırmaqla hökumət xarici qeyri-müəyyənliyin artdığı bir vaxtda artımı təşviq edən siyasətlər üçün pul kisəsini açmağa hazır olduğunu göstərdi.