03.04.2025 Siyasət

0 0

Çin ABŞ-ın açıqladığı yeni gömrük rüsumlarını 'qarşılıqlı tariflər' çərçivəsində qiymətləndirdi və alınacaq yeni tədbirlərlə bağlı açıqlama verdi.

Çinin Ticarət Nazirliyi ABŞ-ın tariflərinin beynəlxalq ticarət qaydalarına uyğun olmadığını və həmçinin, tərəflərin qanuni hüquq və maraqlarını təhdid etdiyini vurğulayıb: "Bu, tipik birtərəfli zorakılıq hərəkətidir. Bu, təkcə ABŞ-ın öz maraqlarına zərər vurmayacaq, həm də qlobal iqtisadi inkişafa və təchizat zəncirinin sabitliyinə təhlükə yaradacaq”.

“Ticarət müharibəsində qalib yoxdur” Çinin məsələ ilə bağlı bəyanatında ABŞ-ın beynəlxalq ticarətdən zərər gördüyünü iddia edərək “qarşılıqlılıq” adı altında bütün ticarət tərəfdaşlarına tarifləri artırdığı, lakin bunun illər ərzində çoxtərəfli ticarət danışıqları nəticəsində əldə edilən maraqlar balansını və ABŞ-ın beynəlxalq ticarətdən də böyük fayda əldə etdiyini nəzərə almadığı qeyd edilib.

ABŞ-ın bir çox ticarət tərəfdaşının bu mövzuda öz narazılıqlarını və açıq etirazını ifadə etdiyi xatırladılan bəyanatda, "Tarix sübut edir ki, tariflərin artırılması ABŞ-ın problemlərini həll etməyəcək. Ticarət müharibəsində qalib yoxdur və proteksionizm çıxış yolu deyil" deyilib.