Çin Trampın rüsumlarına cavab verdi

ABŞ prezidenti Trampın tarif elanından sonra Çinin cavab tədbirləri sürətlə davam etdi və Çin aprelin 10-dan etibarən ABŞ mallarına əlavə 34 faiz rüsum tətbiq edəcəyini açıqladı.Cavab xarakterli qərardan sonra ABŞ birjalarında fyuçerslər kəskin şəkildə aşağı düşdü.

Dövlət Şurasının Gömrük Tarifləri Komissiyası Çinin ABŞ-dan idxal etdiyi bütün mallara 34% rüsum tətbiq edəcəyini bildirib.

Komissiya açıqlamasında Çinin aprelin 10-dan etibarən ABŞ-dan idxala qarşılıqlı tariflər tətbiq edəcəyini açıqlayıb. ABŞ prezidenti Tramp çərşənbə günü qlobal ticarət tərəfdaşlarına tətbiq edilən genişmiqyaslı "Azadlıq Günü" tarifləri çərçivəsində Çin mallarına əlavə 34% rüsum elan edib.

Çin Ticarət Nazirliyi həmçinin yeddi kateqoriya nadir metallara ixrac nəzarətinin tətbiq ediləcəyini, 11 ABŞ şirkətinin etibarsız şirkətlər siyahısına əlavə edildiyini, iyirmidən çox Amerika şirkətinə isə ixrac nəzarətinin tətbiq ediləcəyini açıqlayıb.

ABŞ səhmləri fyuçerslərdə kəskin ucuzlaşıb Çinin ABŞ-a qarşı cavab qərarından sonra ABŞ fond birjalarında fyuçerslər kəskin ucuzlaşıb. S&P 500 fyuçers indeksi 4,1 faiz, Nasdaq 100 4,6 faiz, Russell 2000 4 faiz, Dow Jones indeksi isə 3,64 faiz ucuzlaşıb. ABŞ fond birjaları GMT vaxtı ilə 16:30-da açılacaq.