Ağ Ev: Tarifləri müzakirə etmək üçün 50-dən çox ölkə əlaqə saxlayıb

Ağ Evin Milli İqtisadi Şurasının direktoru Kevin Hassett bildirib ki, 50-dən çox ölkə ABŞ prezidenti Donald Trampın tətbiq edəcəyi tarifləri müzakirə etmək üçün Ağ Evlə əlaqə saxlayıb.

ABC News-un "This Week" proqramına danışan Hassett mövzu ilə bağlı açıqlamalar verib.

Hassett, ABŞ-ın qarşılıqlı tariflər tətbiq edəcəyini açıqladığı ölkələrin "qəzəbli və qisasçı" olduğunu söylədi və bu ölkələrin də danışıqlar üçün "masa arxasında oturduqlarını" qeyd edib.

Hassett, Trump-ın tariflərinin ABŞ istehlakçılarına daha çox baha başa gələcəyinə dair iddiasını rədd edərək dedi: "ABŞ istehlakçılarına böyük təsir görəcəyimizi düşünmürəm, çünki uzunmüddətli ticarət kəsirimizin səbəbi bu ölkələrin tədarükünün qiymətə həssas olmamasıdır".

Digər tərəfdən, Hassettdən sonra eyni proqrama qatılan keçmiş Maliyyə Naziri Lawrence Summers, sözügedən tariflərin iqtisadiyyata "böyük zərər" verdiyini qiymətləndirib.

Sammers iddia edirdi ki, tariflər qiymət artımına səbəb olur, bu da öz növbəsində inflyasiyanı artırır, insanların xərcləmə gücünü azaldır və “daha az iş” deməkdir.

"Bazarlar bütün bunlara baxır. Onlar düşünürlər ki, şirkətlər bu tariflər başlamazdan əvvəl olduqları ilə müqayisədə 5 trilyon dollar dəyər itirəcəklər və bu, yalnız şirkətlərin itirdiyidir. Əgər istehlakçı itkilərini də əlavə etsəniz, ağlabatan hesablamalara görə ümumi itkilər təxminən 30 trilyon dollardır", - deyə Summers bildirib.

Tramp aprelin 2-də ABŞ-ın digər ölkələrə qarşılıqlı tariflər tətbiq edəcəyini və baza tarif dərəcəsinin 10 faiz olacağını açıqlayıb.