27.01.2023 Problemli Banklar

1 1

Kommersant.az xəbər verir ki, AFB-nin məcmu kapitalı 2021-ci ilin son rübü ilə müqayisədə 381 min manat azalaraq 82 milyon 458 min manata enib.

AKTİVLƏRİ ARTIB

AFB-nin cəmi aktivləri 1 il ərzində 10 milyon 144 min manat və ya 0.3% artaraq 282 milyon 381 min manata yüksəlib. Bu artımda ən böyük pay kredit portfelinin üstünə düşüb. Belə ki, sözügedən portfel 28 milyon 67 min manat və ya 19.6% artaraq 170 milyon 854 min manata çatıb. Bu portfeldə istehlak kreditləri 2 milyon 686 min manat və ya 16.4% artaraq 19 milyon 79 min manat, biznes kreditləri 18 milyon 303 min manat və ya 21.9% artaraq 101 milyon 673 min manata, daşınmaz əmlak kreditləri isə 7 milyon 78 min manat və ya 16.4% artaraq 50 milyon 101 min manata yüksəlib. AFB mümkün zərərlər üçün yaradılan məqsədli ehtiyatını 5 milyon 580 min manat və ya 20.8% azaldaraq 21 milyon 294 min manata endirib. Bununla da bankın xalis kreditləri 149 milyon 560 min manat olub. Bu isə 2021-ci ilin son rübü ilə müqayisədə 33 milyon 648 min manat və ya 29% çoxdur.

ƏMANƏTLƏRİ AZALIB

AFB-nin öhdəliklər cəmi 1 il ərzində 7 milyon 851 min manat və ya 0.4% artaraq 198 milyon 906 min manata çatıb. Bankın öhdəliklərindəki artımın səbəbi AFB-nin kredit təşkilatları və digər maliyyə institutları qarşısında öhdəliklərinin 2021-ci ilin analoji dövrü ilə müqayisədə 7 milyon 485 min manat və ya 11.5% artmasıdır.

Bankın depozit portfeli 2021-ci ilin sonu ilə müqayisədə 1 milyon 104 min manat və ya 0.09% azalaraq 116 milyon 168 min manata düşüb. Fiziki şəxslər bankdakı əmanətlərini 3 milyon 496 min manat və ya 13.3% artıraraq 29 milyon 819 min manata yüksəltsə də hüquqi şəxslərin bankdakı əmanətlərində azalma müşahidə olunub. Belə ki, hüquqi şəxslərin bankdakı əmanətləri 2021-ci ilin eyni dövrü ilə müqayisədə 4 milyon 600 min manat və ya 0.5% azalaraq 86 milyon 348 min manatadək əriyib.

Səhmdar kapitalında və bölüşdürülməmiş mənfəət/zərərində dəyişiklik etməyən AFB ümumi ehtiyatlarını 461 min manat və ya 31.5% artıraraq 1 milyon 922 min manata yüksəldib. Nəticədə bankın cəmi kapitalı 83 milylon 474 min manata çatıb.

AFB 2022-ci ilin sonunda faiz gəlirini 4 milyon 277 min manat və ya 30.6% artıraraq 18 milyon 243 min manata, faiz xərclərini isə 1 milyon 132 min manat artıraraq 64.6% artıraraq 2 milyon 883 min manata bərabərləşdirib. Nəticədə bankın xalis faiz gəliri 15 milyon 360 min manat olub ki, bu da 2021-ci ilin müvafiq dövrü ilə müqayisədə 3 milyon 145 min manat və ya 25.7% çoxdur.

Bankın qeyri-faiz gəliri 1 il ərzində 2 milyon 484 min manat və ya 27.8% artaraq 11 milyon 402 min manata, qeyri-faiz xərcləri isə 89 min manat və ya 0.05% artaraq 17 milyon 73 min manata çatıb. Nəticədə bankın əməliyyat mənfəəti 9 milyon 689 min manat olub. Bu da 2021-ci ilin sonu ilə müqayisədə 5 milyon 540 min manat və ya 1.3 dəfə çoxdur.