“Bank VTB (Azərbaycan)” biznesmenləri bankdan uzaqlaşdırıb

“Bank VTB (Azərbaycan)” cəmi aktivləri 2022-ci ilin sonunda 6 milyon 166 min manat artaraq 238 milyon 493 min manata yüksəlib.

Kommersant.az xəbər verir ki, rusların ölkəmizdəki bankının kredit portfeli 2021-ci ilin son rübü ilə müqayisədə 5 milyon 311 min manat azalaraq 159 milyon 775 min manata enib. Bu azalmada əsas pay biznes kreditlərinin payına düşüb.

ELƏCƏDƏ BAX: "Bank VTB Azərbaycan rəhbərliyinə təyin olunanlar buraya korrupsiya ilə məşğul olmağa gəlir"

Rusların bankı istehlak kreditlərini 1 il ərzində 14 milyon 300 min manat və ya 25.5% artıraraq 70 milyon 433 min manat yüksəldib. Bu artım bankın kredit portfelinin azalmasına mane ola bilməyib. Çünki bankın biznes kreditləri 2021-ci ilin son rübü ilə müqayisədə 28 milyon 385 min manat və ya 36.1% azalaraq 50 milyon 186 min manata düşüb.

Daşınmaz əmlak kreditlərini 8 milyon 774 min manat artıraraq 39 milyon 156 min manata çatdıran “rus bankı” mümkün zərərlər üçün yaradılan məqsədli ehtiyatını 9 milon 48 min manat artıraraq 22 milyon 61 min manata bərabərləşdirib. Nəticədə bankın xalis kreditləri 137 milyon 713 min manata bərabər olub. Bu isə 2021-ci ilin analoji dövrü ilə müqayisədə 14 milyon 360 min manat və ya 9.4% azdır.

Bank VTB	2022 (IV Rüb)	2021 (IV Rüb)	Fərq
Cəmi Aktivlər	238.493	232.327	6.166
Kredit	159.775	165.086	-5.311
İstehlak kreditləri	70.433	56.133	14.300
Biznes kreditləri	50.186	78.571	-28.385
Daşınmaz əmlak kreditləri	39.156	30.382	8.774
Mümkün zərərlər üçün yaradılan məqsədli ehtiyat	22.061	13.013	9.048
Xalis Kreditlər	137.713	152.073	-14.360