05.05.2023 Problemli Banklar

11 3

Kommersant.az bankın hesabatına istinadən xəbər verir ki, “ExpressBank”ın cəmi aktivləri ötən ilin sonu ilə müqayisədə 3 milyon 677 min manat və ya 0.8 faiz azlaraq 440 milyon 633 min manata yüksəlib. Bu artımın əsas səbəbi bankın kredit portfelinin 2 milyon 432 min manat artaraq 299 milyon 516 min manata yüksəlməsidir. Kredit portfelində biznes kreditləri 3 milyon 497 min manat azalaraq 92 milyon 348 min manata enib. Portfeldə istehlak kreditləri 2 milyon 653 min manat artaraq 162 milyon 22 min manata, ipoteka kreditləri isə 3 milyon 277 min manat artaraq 45 milyon 147 min manata yüksəlib. Mümkün zərərlər üçün yaradılan məqsədli ehtiyatını 339 min manat azaldan “ExpressBank”ın xalis kreditləri 2 milyon 771 min manat artaraq 294 milyon 399 min manata bərabərləşib.

BİZNESMEN MÜŞTƏRİLƏRİNİ İTİRİB

“ExpressBank”ın depozit portfeli ötən ilin sonu ilə müqayisədə 6 milyon 626 min manat və ya 3.43 faiz azalaraq 186 milyon 481 min manata enib. Bu azalmanın əsas səbəbi hüquqi şəxslərin bankdakı əmanətlərini geri çəkməsidir. Belə ki, biznesmenlərin bankdakı əmanətləri ötən ilin son rübü ilə müqayisədə 6 milyon 662 min amnat və ya 15.91 faiz azalaraq 35 milyon 208 min manata düşüb. Fiziki şəxslərin əmanətlərində isə 35 min manatlıq cüzi artım müşahidə olunub.

Kredit təşkilatları və digər maliyyə institutları qarşısında öhdəliklərini 25 milyon 532 min manat artıraraq 93 milyon 5 min manata bərabər etdiyi üçün “ExpressBank”ın öhdəliklər cəmində artım olub. Belə ki, bankın öhdəliklər cəmi 320 milyon 506 min manat olub ki, bu da ötən ilin sonu ilə müqayisədə 12 milyon 685 min manat çoxdur.

CƏMİ KAPİTALI AZALIB

“ExpressBank” əldə etdiyi xalis mənfəətini bölüşdürülməmiş mənfəətinə əlavə edib. Bankın bölüşdürülməmiş mənfəəti 8 milyon 967 min manat və ya 72.26 faiz azlaaraq 3 milyon 442 min manata düşüb. Ümumi ehtiyatlarını 41 min manat azalaraq 4 milyon 140 min manata enib. Nəticədə “ExpressBank”ın cəmi kapitalı 9 milyon 9 min manat azalaraq 120 milyon 126 min manata düşüb.

ƏMƏLİYYAT VƏ XALİS MƏNFƏƏTİ AZALIB

“ExpressBank”ın faiz gəliri ötən ilin sonu ilə müqayisədə 35 milyon 292 min manat və ya 73.13 faiz azalaraq 12 milyon 965 min manata, faiz xərcləri isə 6 milyon 981 min manat və ya 67.76 faiz azalaraq 3 milyon 321 min manata düşüb. Buna görə də bankın xalis faiz gəliri 28 milyon 311 min manat 74.59 faiz azalaraq 9 milyon 644 min manata enib.

Qeyri-faiz gəlirləri ötən ilin sonu ilə müqayisədə 13 milyon 445 min manat azalaraq 4 milyon 994 min manata, qeyri-faiz xərcləri isə 29 milyon 608 min manat azalaraq 4 milyon 994 min manata enib. Nəticədə bankın əməliyyat mənfəəti 12 milyon 148 min manat azalaraq 3 milyon 865 min manata bərabər olub.

“ExpressBank”ın xalis mənfəəti isə 8 milyon 967 min manat və ya 72.2 faiz azalaraq 3 milyon 441 min manata düşüb.

Bankın məcmu kapitalı isə 15 milyon 176 min manat və ya 117 milyon 684 min manata əriyib.

Qeyd edək ki, bankın aktivlər gəlirliyi (ROA) 2.05 faiz azalaraq 0.78 faizə, kapitalının gəlirliyi (ROE) isə 6.72 faiz azalaraq 2.86 faizə düşüb.