08.05.2023 Problemli Banklar

5 13

Kommersant.az bankın hesabatına istinadən xəbər verir ki, “Bank Melli İran”ın aktivlər cəmi ötən rübün sonu ilə müqayisədə 5 milyon 732 min manat artaraq 102 milyon 352 min manata yüksəlib. Bu artımın əsas səbəbi bankın digər aktivlərinin ötən ilin sonu ilə müqayisədə 337 min manat artaraq 765 min manata yüksəlməsidir.

Bankın müştərilərinə verdiyi kreditlər 2022-ci ilin sonu ilə müqayisədə 1 milyon 18 min manat azalaraq 8 milyon 448 min manata düşüb.

Bankın depozit portfelinin artması öhdəliklər cəmini 5 milyon 111 min manat artıraraq 64 milyon 445 min manata yüksəldib. Bankın sözügedən portfeli isə 3 milyon 601 min manat artaraqq 12 milyon 505 min manat olub.

Yığılmış zərərini 621 min manat azaldaraq 35 milyon 906 min manata endirdiyi üçün bankın cəmi kapitalı da 621 min manat artaraq 37 milyon 906 min manata yüksəlib.

“Bank Melli İran”ın məcmu kapitalı 992 min manat artaraq 54 milyon 618 min manata çatıb.

Bankın faiz gəliri ötən ilin eyni rübü ilə müqayisədə cari ilin ilk rübündə 13 min manat artaraq 797 min manata yüksəlib. Faiz xərcləri isə 73 min manat azalaraq 19 manata enib. Nəticədə bankın xalis faiz gəliri 797 min manata bərabər olub.

Qeyd edək ki, “Bank Melli İran”ın xalis mənfəəti 7 min manat artaraq 621 min manata çatıb.