26.01.2023 Sərfəli Banklar

14 0

Kommersant.az xəbər verir ki, “AccessBank”ın aktivlər cəmi 236 milyon 705 min manat və ya 25.3% artaraq 1 milyard 168 milyon 855 min manata çatıb. Artımda ən böyük pay isə kredit portfelinin üstünə düşüb. Belə ki, “AccessBank” 2022-ci ilin sonunda portfelini 181 milyon 73 min manat və ya 28.6% artıraraq 813 milyon 549 min manata yüksəldib.

Portfelin artmasına səbəb bankın istehlak və biznes kreditlərinin yüksəlməsidir. Bankın istehlak kreditləri 87 milyon 994 min manat artaraq 174 milyon 215 min manata çatıb. Bundan başqa bankın biznes kreditləri 634 milyon 17 min manat olub ki, bu da ötən ilin eyni dövrü ilə müqayisədə 94 milyon 648 min manat çoxdur. “AccessBank”ın daşınmaz əmlaklara verdiyi kreditlər isə 1 milyon 569 min manat və ya 22.8% azalaraq 5 milyon 317 min manata enib.

ÖHDƏLİKLƏR CƏMİNDƏ 25%-DƏN ÇOX ARTIM

Bankın cəmi öhdəlikləri 1 il ərzində 213 milyon 350 min manat və ya 25.3% artaraq 1 milyard 56 milyon 93 min manata çatıb. Bu artımda ən böyük pay depozit portfelinin üstünə düşüb. Belə ki, bankın depozit portfeli 170 milyon 226 min manat və ya 24.7% artaraq 860 milyon 54 miin manata bərabərləşib. Portfelinin böyümə səbəbi bankda fiziki şəxslərin əmanətlərinin aartmasıdır. Fiziki şəxslərin əmanətləri 2021-ci ilin sonu ilə müqayisədə 161 milyon 40 min manat və ya 28.9% artaraq 719 milyon 13 min manat artıb. Hüquqi şəxslərin əmanətləri isə 9 milyon 186 min manat və ya 0.7% çoxalaraq 141 milyon 41 min manata bərabərləşib.

CƏMİ KAPİTALI 23 MİLYONDAN MANATDAN ÇOX YÜKSƏLİB

“AccessBank” cəmi kapitalını 1 il ərzində 23 milyon 355 min manat və ya 26.1% çoxaldaraq 112 milyon 762 min manata çatdırıb. Bankın səhmdar kapitalı 11 milyon 389 min manat və ya 0.4% artaraq 270 milyon 107 min manata yüksəlib. Bölüşdürülməmiş zərəri isə 10 milyon 325 min manat azalaraq 165 milyon 222 min manat olub.

Bank ümumi ehtiyatlarına 7 milyon 877 min manat ayırıb ki, bu da 2021-ci ilin müvafiq dövrü ilə müqayisədə 1 milyon 641 min manat və ya 26.3% çoxdur.

ƏMƏLİYYAT VƏ XALİS MƏNFƏƏTİ ARTIB

Sözügedən bankın faiz gəliri 1 il ərzində 39 milyon 502 min manat və ya 39% artaraq 140 milyon 555 min manata bərabər olub. Faiz xərclərini də 9 milyon 615 min manat və ya 20.2% artıraraq 56 milyon 981 min manat edib. Nəticədə bankın xalis faiz gəliri 83 milyon 574 min manat olub. Bu da 2021-ci ilin eyni dövrü ilə müqayisədə 29 milyon 887 min manat və ya 55.7% çoxdur.

Qeyri-faiz gəlirini 2 milyon 169 min manat və ya 19.9% artıraraq 13 milyon 78 min manata, qeyri-faiz xərclərini isə 8 milyon 986 min manat və ya 14.1% artıraraq 72 milyon 318 min manata çatdırması “AccessBank”ın əməliyyat mənfəəti əldə etməsinə səbəb olub. Belə ki, bankın sözügedən mənfəəti 24 milyon 334 min manata bərabər olub. Bu da 2021-ci ilin analoji dövrü ilə müqayisədə 23 milyon 70 min manat və ya 18.2 dəfə çoxdur.

Bankın məcmu kapitalı 1 il ərzində 26.9% və ya 21 milyon 464 min manat artaraq 101 milyon 130 min manata çatıb.