25.01.2023 Sərfəli Banklar

19 1

Kommersant.az xəbər verir ki, “Yelo Bank”ın aktivlər cəmi 287 milyon 814 min manat və ya 53.9% artaraq 821 milyon 535 min manata çatıb. Bu yüksəlmənin 61.1%-ni kredit portfeli təşkil edib. Belə ki, sözügedən bankın kredit portfeli 175 milyon 911 min manat və ya 39.4% artaraq 621 milyon 948 min manata bərabər olub.

BİZNES KREDİTLƏRİNDƏ CİDDİ ARTIM

“Yelo Bank” biznes kreditlərini 137 milyon 339 min manat və ya 53% artıra bilib. Beləliklə bankın bzines kreditləri 2022-ci ilin sonunda 396 milyon manat olub. Bununla yanaşı “Yelo Bank”ın istehlak kreditləri 41 milyon 896 min manat və ya 37.5% artaraq 153 milyon 448 min manata çatıb.

Daşınmaz əmlak kreditləri isə 3 milyon 325 min manat 0.4% azalaraq 72 milyon 498 min manata enib. Mümkün zərərlər üçün yaradılan məqsədli ehtiyatını 2 milyon 186 min manat endirən bankın xalis kreditləri 178 milyon 96 min manat və ya 43.9% artaraq 583 milyon 351 min manaat yüksəlib.

ÖHDƏLİKLƏR CƏMİNDƏ 60.3% YÜKSƏLMƏ

“Yelo Bank” 2022-ci ilin sonunda 745 milyon 266 min manatlıq cəmi öhdəliyə sahib olub. Bu da 2021-ci ilin eyni dövrü ilə müqayisədə 280 milyon 321 min manat və ya 60.3% çoxdur. Artımın 78.3%-i depozit portfelinin payına düşüb.

Bankın depozit portfeli 2021-ci ilin son rübü ilə müqayisədə 219 milyon 661 min manat və ya 62.3% artaraq 572 milyon 300 min manata çatıb. Nisbətə görə sözügedən portfeldə ən yüksək artım hüquqi şəxslərin depozitlərində olub. Belə ki, hüquqi əmanətləri 2021-ci ilin analoji dövrü ilə müqayisədə 87 milyon 694 min manat və ya 1.8 dəfə artaraq 136 milyon 435 min manata bərabərləşib. Fiziki şəxslərin banka yerləşdirdiyi əmanətlər isə 1 il ərzində 131 milyon 996 min manat və ya 43.4% artaraq 435 milyon 864 min manatda qərarlaşıb.

Qeyd edək ki, bankın kapital cəmi 7 milyon 493 min manat və ya 1.1% artaraq 76 milyon 269 min manata çatıb.

ƏMƏLİYYAT VƏ XALİS MƏNFƏƏTİ

“Yelo Bank”ın faiz gəliri 22 milyon 935 min manat və ya 36% artaraq 86 milyon 523 min manata, faiz xərcləri isə 13 milyon 67 min manat və ya 66.5% artaraq 32 milyon 693 min manata bərabərləşib. Nəticədə bankın xalis faiz gəliri 53 milyon 830 min manat olub ki, bu da 2021-ci ilin eyni dövrü ilə müqayisədə 9 milyon 869 min manat və ya 22.4% çoxdur.

Qeyri-faiz gəlirini 6 milyon 283 min manat və ya 1.7 dəfə artıraraq 9 milyon 871 min manata, qeyri-faiz xərclərini isə 13 milyon 887 min manat və ya 28.2% artıraraq 63 milyon 29 min manata yüksəltdiyinə görə bankın əməliyyat mənfəəti 673 min manat olub. Bu mənfəət isə 2021-ci ilin sonu ilə müqayisədə 2 milyon 265 min manat çoxdur.

Qeyd edək ki, “Yelo Bank”ın məxmu kapitalı 1 il ərzində 31 milyon 14 min amant və ya 49.7% artaraq 93 milyon 404 min manata bərabər olub.