Dövlət bankının faiz gəlirləri

Dövlət bankının faiz gəlirləri - HESABAT

“AzərTürk Bank” (ATB) 2022-ci ilin sonunda xalis mənfəəti 10 milyon 474 min manat və ya 19.2 dəfə artaraq 11 milyon 20 min manata yüksəlib.

Kommersant.az xəbər verir ki, dövlət bankının faiz gəlirləri 1 il ərzində 12 milyon 996 min manat və ya 58.4% artaraq 35 milyon 253 min manata çatıb. Bankın faiz xərcləri də 4 milyon 723 min manat və ya 74.4% artaraq 11 milyon 67 min manata bərabərləşib. Nəticədə ATB xalis faiz gəliri əldə edib. Onun sözügedən gəliri 8 milyon 274 min manat və ya 52% artaraq 24 milyon 187 min manata yüksəlib.

Dövlət bankının qeyri-faiz gəliri 20 milyon 388 min manat və ya 1.5 dəfə artaraq 33 milyon 951 min manata çatıb. Bankın qeyri-faiz xərcləri isə 10 milyon 188 min manat və ya 34.7% artaraq 39 milyon 521 min manata yüksəlib. Yekunda bankın əməliyyat mənfəəti 18 milyon 474 min manat artaraq 18 milyon 617 min manata bərabərləşib.

Azər Türk Bank	2022 (IV Rüb)	2021 (IV Rüb)	Fərq
Faiz Gəliri	35.253	22.256	12.996
Faiz Xərci	11.067	6.344	4.723
Xalis Faiz Gəliri	24.187	15.913	8.274
Qeyri-Faiz Gəliri	33.951	13.563	20.388
Qeyri-Faiz Xərci	39.521	29.333	10.188
Əməliyyat Mənfəəti (Zərəri)	18.617	143	18.474
Xalis Mənfəət (Zərər)	11.020	546	10.474