"AccessBank" aktivlər cəmini 25%-dən çox artırıb

“AccessBank”ın cəmi aktivləri 2021-ci ilin son rübü ilə müqayisədə 236 milyon 705 min manat və ya 25.4% artaraq 1 milyard 168 milyon 855 min manata yüksəlib.

Kommersant.az bankın açıqladığı hesabata istinadən xəbər verir ki, “AccessBank”ın cəmi aktivlərinin artmasında kredit portfelinin payı 76.5% olub. Belə ki, bankın kredit portfeli 2021-ci ilin analoji dövrü ilə müqayisədə 181 milyon 73 min manat və ya 28.6% artaraq 813 milyon 549 min manata çatıb. Bu artımın 48.6%-i istehlak kreditlərinin, 17.5%-i biznes kreditlərinin payəna düşüb.

Bankın istehlak kreditləri 87 milyon 994 min manat artaraq 174 milyon 215 min manata bərabərləşib. Biznes kreditləri də 94 milyon 648 min manat artaraq 634 milyon 17 min manata çatıb. Bunlara baxmayaraq, bankın daşınmaz əmlaka verdikləri kredit 1 il ərzində 1 milyon 569 min manat azalaraq 5 milyon 317 min manata enib.

“AccessBank” mümkün zərərlər üçün yaradılan məqsədli ehtiyatını 6 milyon 98 min manat azaldaraq 33 milyon 980 min manata endirib. Buna görə də bankın xalis kreditləri 813 milyon 549 min manat olub ki, bu da 2021-ci ilin eyni dövrü ilə müqayisədə 181 milyon 73 min manat və ya 28.6% çoxdur.

AccessBank	2022 (IV Rüb)	2021 (IV Rüb)	Fərq
Cəmi Aktivlər	1.168.855	932.150	236.705
Kredit	813.549	632.476	181.073
İstehlak kreditləri	174.215	86.221	87.994
Biznes kreditləri	634.017	539.369	94.648
Daşınmaz əmlak kreditləri	5.317	6.886	-1.569
Mümkün zərərlər üçün yaradılan məqsədli ehtiyat	-33.980	-40.078	6.098
Xalis Kreditlər	813.549	632. 476	181.073