25.04.2023 Sərfəli Banklar

17 0

Kommersant.az dövlət bankının açıqladığı hesabata istinadən xəbər verir ki, ATB-nin cəmi aktivləri 474 milyon 27 min manat artaraq 913 milyon 299 min manata yüksəlib. Bu artımın əsas səbəbi bankın müştərilərinə veridiyi kreditlərin 2022-ci ilin müvafiq rübü ilə müqayisədə 122 milyon 398 min manat və ya 49,9 faiz çox olmasıdır. Kredit portfelinin artmasında əsas pay isə istehlak kreditlərinin üstünə düşüb. Belə ki, ATB-nin müştərilərinə verdiyi istehlak kreditləri 90 milyon 726 min manat artaraq 174 milyon 442 min manata, biznes kreditləri isə 206 min manat artaraq 43 milyon 842 min manata çatıb. Bankın ipoteka kreditləri isə 31 milyon 466 min manat artaraq 149 milyon 212 min manat olub. ATB-nin mümkün zərərlər üçün yaradılan məqsədli ehtiyatını 111 min manat artıraraq 6 milyon 545 min manata yüksəldib. Yekunda bankın müştərilərinə verdiyi xalis kreditlərin payı 122 milyon 287 min manat artaraq 360 milyon 951 min manata bərabərləşib.

DEPOZİT PORTFELİ ÖHDƏLİKLƏRİNİ ARTIRIB

ATB-nin cəmi öhdəlikləri 458 milyon 759 min manat və ya artaraq 840 imlyon 505 min manata çatıb. Bu artımda depozit portfelinin payı 42,5 faiz olub. Belə ki, bankın depozit portfeli 195 milyon 18 min manat və ya 97 faiz artaraq 396 milyon 145 min manata yüksəlib. Bu yüksəlmədə fiziki şəxslərin payı 53 faiz, hüquqi şəxslərin payı isə 47 faiz təşkil edib.

Dövlət bankının fiziki şəxlərdən topladığı depozitlər 195 mmilyon 18 min manat və ya 96,96 faiz artaraq 198 milyon 325 min manata, hüquqi şəxslərdən topladığı əmanətlər isə 91 mimlyon 707 min manat və ya 86,42 faiz artaraq 197 milyon 820 min manata yüksəlib.

ATB-nin bölüşdürülməmiş mənfəəti 13 milyon 658 min manat və ya 3 dəfə artaraq 18 milyon 485 min manata bərabər olub. Bundan başqa dövlət bankının ümumi ehtiyatları da 1 milyon 610 min manat və ya 59,65 faiz artaraq 4 milyon 309 min manata çatıb. Buna görə də bankın cəmi kapitalı 15 milyon 268 min manat və ya 26,54 faiz artaraq 72 milyon 794 min manata bərabər olub.

ƏMƏLİYYAT MƏNFƏƏTİNDƏ CİDDİ ARTIM

Bankın faiz gəliri 7 milyon 577 min manat artaraq 14 milyon 168 min manata, faiz xərcləri isə 2 milyon 610 min manat artaraq 4 milyon 733 min manata yüksəlib. Buna görə də ATB-nin xalis faiz gəliri 9 milyon 435 min manat olub ki, bu da 2022-ci ilin 1-ci rübü ilə müqayisədə 4 milyon 968 min manat çoxdur.

Dövlət bankının qeyri-faiz gəliri 3 milyon 591 min manat artaraq 6 milyon 695 min manata, qeyri-faiz xərcləri isə 3 milyon 609 min manat artaraq 11 milyon 284 min manata bərabər olub. Bu da bankən əməliyyat mənfəəti əldə etməsinə səbəb olub. Belə ki, ATB-nin əməliyyat mənfəəti 4 milyon 950 min manat artaraq 4 milyon 846 min manata yüksəlib.

Qeyd edək ki, dövlət bankının məcmu kapitalı 14 ilyon 862 min manat və ya 28,61 faiz artaraq 4 milyon 846 min manata çatıb.