27.04.2023 Sərfəli Banklar

15 7

Kommersant.az bankın maliyyə hesabatına istinadən xəbər verir ki, bankın kredit portfelinin artması cəmi aktivlərinin artımına səbəb olub. Belə ki, “Yelo Bank”ın cəmi aktivləri 2022-ci ilin 4-cü rübü ilə müqayisədə 8 milyon 826 min manat artaraq 830 milyon 361 min manat olub.

“Yelo Bank”ın kredit portfeli isə 17 milyon 809 min manat artaraq 639 milyon 757 min manata yüksəlib. Bu artımın 16 milyon 839 min manatı mümkün zərərlər üçün yaradılan məqsədli ehtiyata ayrılaraq sözügedən ehtiyatını 21 milyon 757 min manata çatdırıb. Nəticədə bankın xalis kreditləri 34 milyon 649 min manat artaraq 618 milyon manata bərabər olub.

Bank istehlak kreditlərini 202 min manat artıraraq 150 milyon 181 min manata, biznes kreditlərini isə 20 milyon 745 min manat artıraraq 416 milyon 745 min manata yüksəldib. İpoteka kreditləri isə 3 milyon 137 min manat azalaraq 72 milyon 830 min manata düşüb.

DEPOZİT PORTFELİ ÖHDƏLİKLƏR CƏMİNİ ARTIRIB

“Yelo Bank”da hüquqi şəxslərin depozitləri 5 milyon 246 min manat azalaraq 131 milyon 189 min manata düşüb. Bankın fiziki şəxslərə verdiyi kreditlər isə 9 milyon 787 min manat artaraq 445 milyon 651 min manata bərabərləşib. Buna görə də bankın depozit portfeli 2022-ci ilin son rübü ilə müqayisədə 4 milyon 540 min manat və ya 0.8 faiz artaraq 576 milyon 840 min manata çatıb. Nəticədə bankın cəmi öhdəlikləri 4 milyon 331 min manat artaraq 749 milyon 597 min manata bərabər olub.

CƏMİ KAPİTALI ARTIB

Bank yığılmış zərərini 4 miylon 124 min manat azaldıb ümumi ehtiyatlarını isə 372 min manat artırıb. Buna görə də bankın cəmi kapitalı 4 milyon 495 min manat artaraq 80 milyon 764 min manata bərabərləşib.