01.06.2023 Sərfəli Banklar

17 0

Bankın bu yeni məhsulu 6-16 yaş arası uşaqlar üçün nəzərdə tutulmuşdur.

Yeni kart məhsulunun yeniyetmələrin maraq dairəsində olan yerlərdə ödənişlər üzrə daha yüksək cashback verilməsi, eləcə də kartın balansını atb.az saytında, atb360 mobil tətbiqi, Bankın terminalları vasitəsilə və ya filiallarda 0% komissiya ilə artırmaq kimi üstünlükləri vardır.

Həmçinin 200 manatadək vəsaitin E-manat, MilliÖn terminalları vasitəsilə karta komissiyasız mədaxili mümkündür.

Bundan başqa, bu kartla istənilən bankomatda xidmət haqqı tutulmadan 200 AZN-dək nağdlaşdırma etmək olar.

Atb Junior kartının sahibi atb360 tətbiqini mobil telefonuna yükləyə və Google Pay və Apple Pay təmassız ödəniş sistemlərinə qoşula biləcəkdir.

Bu kartla mərc oyunları, lotereya və digər bu kimi platformalara girişlər Bank tərəfindən məhdudlaşdırılmışdır. Bundan başqa, uşağa aid olan kart valideynin hesabına bağlandığından onlayn aparılan əməliyyatların təsdiqi üçün təhlükəsizlik kodu valideynin mobil tətbiqinə göndərilir ki, bu da ona övladının xərclərinə nəzarət etməyə imkan verəcəkdir.

Qeyd edək ki, atb Junior kartlarındakı qalıq vəsaitə illik 6% gəlir hesablanacaqdır.

Beşillik xidmət müddətli atb Junior kartını valideynlər Bankın saytında ödənişsiz onlayn sifariş verə bilərlər.

Bankın məhsul və xidmətləri barədə ətraflı məlumatı https://atb.az saytından, bankın sosial şəbəkələrdəki rəsmi korporativ səhifələrindən, WhatsApp (055) 7770 945, yaxud 945 nömrəli Çağrı Mərkəzindən əldə edə bilərsiniz.