19.01.2024 Sərfəli Banklar

0 0

Kommersant.az xəbər verir ki, “AccessBank”ın aktivlər cəmi 2022-ci ilin son rübü ilə müqayisədə 223 milyon 432 min manat və ya 19.11 faiz artaraq 1 milyard 392 milyon 287 min manata yüksəlib. Bu artımın 89.6 faizi isı bankın müştərilərinə verdiyi kreditlərin payına düşüb. Belə ki, söözügedən bankın istehlak kreditləri 1 il ərzində 53 milyon 322 min manat aratarq 227 milyon 537 min manata, biznes kreditləri 146 milyon 28 min manat artaraq 780 milyon 45 min manata, ipoteka kreditləri isə 866 min manat artaraq 6 milyon 183 min manata yüksəlib. Buna görə də bankın müştərilərinə verdiyi kreditlər 1 milyrd 13 milyon 765 min manata təşkil edib ki, bu da 2022-ci ilin son rübü ilə müqayisədə 200 milyon 216 min manat və ya 24.61 faiz çoxdur.

“AccessBank” mümkün zərərlər üçün yaradılan məqsədli ehtiyatını 11 milyon 304 min manat artıraraq 45 milyon 284 min manata yüksəldib. Nəticədə bankın xalis kreditləri 968 milyon 481 min manat olub ki, bu da 2022-ci ilin eyni dövrü ilə müqayisədə 19.04 faiz çoxdur.

Müştərilərin “AccessBank”a yerləşdirdiyi əmanətlərin həcminin artması bankın depozit portfelini həmçinin öhdəliklər cəmini də artırıb. Fiziki şəxslərin banka əmanət etdiyi vəsaitlərin həcmi 1 il ərzində 17.12 faiz və ya 123 milyon 96 min manat artaraq 842 milyon 466 min manata yüksəlib. Hüquqi şəxslərin əmanətləri də 68 milyon 68 min manat və ya 48.26 faiz artaraq 209 milyon 109 min manata yüksəlib. Nəticədə bankın topladığı depozitlər 191 miyon 521 min manat və ya 22.26 faiz artaraq 1 milyard 51 milyon 575 min manata çatıb. Buna görə də “AccessBank”ın öhdəliklər cəmi 1 milyard 255 milyon 172 min manat olub ki, bu da 2022-ci ilin 4-cü rübü ilə müqayisədə 199 milyon 79 min manat və ya 18.85 faiz çoxdur.

Səhmdar kapitalının dəyişdirməyən “AccessBank”ın cəmi kapitalı 24 milyon 353 min manat artaraq 137 milyon 115 min manata bərabər olub. Bu artımın səbəbi bankın yığılmış zərərinin 22 milyon 323 min manat azalmasıdır.

Bank ümümi ehtiyatlarını isə 2 milyon 30 min manat artıraraq 9 milyon 907 min manata çatdırıb. Bunlar da “AccessBank”ın kapital cəmini 21.59 faiz artırıb.

“AccessBank”ın faiz gəliri 2022-ci ilin sonu ilə müqayisədə 54 milyon 784 min manat artaraq 195 milyon 339 min manata, faiz xərcləri isə 16 milyon 336 min manat artaraq 73 milyon 317 min manata yüksəlib. Buna görə də bankın xalis faiz gəliri 38 milyon 448 min manat artaraq 122 milyon 22 min manata çatıb.

Bankın qeyri-faiz gəliri 4 milyon 800 min manat artaraq 17 milyon 878 min manata, qeyri-faiz xərcləri isə 10 milyon 899 min manat artaraq 83 milyon 207 min manata bərabərləşib. Nəticədə “AccessBank” 56 milyon 693 min manat əməliyyat mənfəəti əldə edib ki, bu da 2022-ci ilin sonu ilə müqayisədə 32 milyon 359 min manat çoxdur.

“AccessBank”ın xalis mənfəəti 24 milyon 801 min manat artaraq 39 milyon 838 min manat olub. Bu artımın 2 milyon 30 min manatı ümumi ehtiyatlara ayrıldıqdan sonra geri qalan vəsait yığılmış zərərdən silinib.

Qeyd edək ki, bankın məcmu kapitalı 42 milyon 335 min manat və ya 41.86 faiz artaraq 143 milyon 465 min manata bərabərləşib.