Azər Türk Bank JCB International şirkəti ilə tərəfdaşlığa başladı

Dövlət bankı Azər Türk Bank Yaponiyanın JCB (Japan Credit Bureau) International beynəlxalq ödəniş sisteminə aid kartlar üzrə xidmətə başladı.

Bu ödəniş sisteminə aid kartlar vasitəsilə ölkədə Banka aid ATM-lərdə əməliyyatlar və POS-terminallar vasitəsilə ödənişlər mümkün olacaq.

JCB brendi ilə tərəfdaşlıq Azər Türk Bankla əməkdaşlıq edən ticarət və xidmət obyektlərinin yeni satış imkanları əldə etməsinə kömək edəcəkdir.

Qeyd edək ki, JCB bank kartlarının emissiyası üzrə ixtisaslaşmış dünya şirkətlərinin beynəlxalq reytinq siyahısında ilk 5-liyə daxildir. 60 ildən çoxdur bu sahədə fəaliyyət göstərən şirkətin müxtəlif ölkələrdə 158 milyon kart müştərisi var. Şirkət kart qəbulu nöqtələrinin sayına görə dünyada üçüncüdür.

Bankın məhsul və xidmətləri barədə ətraflı məlumatı https://atb.az saytından, bankın sosial şəbəkələrdəki rəsmi korporativ səhifələrindən, WhatsApp (055) 7770 945, yaxud 945 nömrəli Çağrı Mərkəzindən əldə edə bilərsiniz.

Bank reklam Azər Türk Bank

News Department

Xəbərin müəllifi

Facebok Twitter LinkedIn

Əvvəlki
Tayvan Birjasına DDoS hücumu
Sonrakı
Fitch, BVF və Pimco FED-i izləyir: Dollar zəifləyəcəkmi?

Digər xəbərlər

29.11.2024 Sərfəli Banklar