14.09.2018 Sərfəli Banklar

0 0

“Kommersant.az" xəbər verir ki, Bank Respublika”nın təhsilini davam etdirən, eləcə də universiteti yeni bitirmiş istedadlı gənclər üçün təşkil etdiyi “Yay Təcrübə Proqramı - 2018” uğurla başa çatdı. 2 ay davam edən təcrübə proqramının sonunda Bank tərəfindən tələbələr üçün sertifikatlar təqdim olundu.

Gənclər arasında böyük marağa səbəb olmuş proqramda testlər nəticəsində iştirak hüququnu qazanmış 25 tələbə təcrübə proqramından faydalanaraq, öz ixtisas biliklərini əyani və praktiki surətdə tətbiq etmək şansı əldə ediblər.

Bankın müxtəlif departamentlərində təcrübə keçən tələbələr əsl komanda işi ilə tanış olub və yüksək dərəcədə ixtisaslı və təcrübəli əməkdaşlarla birlikdə çalışaraq layihələrdə və əməliyyatlarda iştirak ediblər.

Gənclər “Bankın qeyri-kredit məhsulları”, “İstehlak kreditləşməsi”, “Marketinqin əsasları”, “Kredit və Bank Əməliyyatlarının hüquqi tənzimlənməsi”, “İctimaiyyətlə əlaqələrin əsasları”, “Karyera planlaşdırılması” və digər mövzular üzrə təlimlər keçiblər.

Bankın İnsan Resursları Departamentinin rəhbəri İlkin Zeynallı qeyd edib ki, “Yay Təcrübə Proqramı çərçivəsində praktiki biliklərini inkişaf etdirən gənclər ixtisaslı kadr kimi yetişmək üçün ilk addımlarını atıblar. Təcrübə müddətində gənclər müvəffəqiyyətli karyera üçün lazım olan texniki və peşəkar bacarıqlarını inkişaf etdirmək imkanı qazanıblar. Biz inanırıq ki, gənclərin təcrübə müddətində əldə etdikləri bilik və bacarıqlar gələcək həyatlarında və karyeralarında müstəsna rol oynayacaq”.

Bankdan verilən məlumata əsasən, insan resursları Bank üçün prioritet təşkil edən sahələrdən biridir və Bank, bundan sonra da bu növ layihələr həyata keçirməyə davam edəcək.

Daha ətraflı məlumatı bankın rəsmi internet saytında, facebook səhifəsində və ya 144 nömrəsinə zəng edərək əldə edə bilərsiniz.