Bakı metropoliteni ötən ay 18 milyondan çox sərnişin daşıyıb
07.10.2022
Sosial
0
0
Sentyabr ayı ərzində Bakı metropoliteni 18 milyon 336 min 117 sərnişin daşıyıb.
Bu barədə Bakı metropoliteninin mətbuat xidmətinin rəhbəri Bəxtiyar Məmmədov deyib.
O bildirib ki, hər gün orta hesabla 611 min 204 sərnişin metrodan istifadə edib. Yeni tədris mövsümünün başlanması və fəal istirahət dövrünün başa çatması ilə əlaqədar sentyabr ayının 15-dən Bakı metropolitenindən istifadə edən sərnişinlərin sayında əvvəlcədən proqnozlaşdırılan artım müşahidə olunub.
"Ümumən müqayisəli qeyd etsək, sentyabrın 15-dən sonra 12 iş günü ərzində metropoliten orta hesabla hər gün 749 min 11 sərnişin daşıyıb. 12 gün ərzində daşınan sərnişinlərin sayı ayın qalan günləri daşınanların 49.02 faizini təşkil edib", - B.Məmmədov qeyd edib.
Digər xəbərlər
