Çövkən oyunu üzrə “100 İllik Yubiley Kuboku” keçirilir
"Kommersant" bildirir ki, bu sözləri Azərbaycan Respublikası Atçılıq Federasiyasının (ARAF) təşkilatçılığı ilə Cümhuriyyətinin 100 illik yubileyinə həsr olunan Milli Atçılıq Festivalı çərçivəsində iyunun 5-də start verilən çövkən milli atüstü oyunu üzrə “100 İllik Yubiley Kuboku” turnirinin iştirakçısı, “Buta Qolden” klubunun kapitanı Elnur Məmmədov AZƏRTAC-a müsahibəsində deyib.
E.Məmmədov bildirib: “Turnirdə iştirak edən hər bir komanda “100 İllik Yubiley Kuboku”na sahib olmağa çalışır. Bizim klubumuz bu yarışa çox ciddi hazırlaşıb. İlk rəqibimiz “Murad” komandası idi. Daha təcrübəli olan komandamız rəqib üzərində 4:0 hesablı qələbə qazandı. Növbəti görüşümüz Ağcabədi təmsilçiləri ilə olacaq. Ümid edirik ki, həmin oyunda da qalib gəlib medal uğrunda mübarizəni davam etdirəcəyik”.
Azərbaycan Xalq Cümhuriyyətinin yaradılmasının 100 illik yubileyinə həsr olunan Milli Atçılıq Festivalının, o cümlədən çövkən oyunu üzrə “100 İllik Yubiley Kuboku” turnirinin əhəmiyyətini xüsusi qeyd edən E.Məmmədov belə yarışların ölkəmizdə atçılıq idmanının inkişafına mühüm töhfə verdiyini bildirib. O, turnirin yüksək səviyyədə təşkilinə görə Azərbaycan Respublikası Atçılıq Federasiyasının rəhbərliyinə minnətdarlığını ifadə edib.
Digər xəbərlər
Azərbaycanın daha 13 idmançısı dopinq-testdən keçə bilmədiyi üçün cəzalandırılıb
“Rusiya 2018”: İsveç və İngiltərə milliləri yarımfinala vəsiqə uğrunda qarşılaşırlar
